श्रावण भादवा धरा आली फुलारून
धरा आली फुलारून साज हिरवा लेवून
बरसती धारा धारा चुकून माकून
चुकून माकून मेघ गेले विस्कटून
भारावली केळ देह सुगंधात न्हाला
सुगंधात न्हाला रावा मनात हसला
ऊन पावसाचा खेळ अस्मानी रंगला
अस्मानी रंगला झाला आनंद मातीला
वारा धरी फेर वनी नाचे धुंद मोर
नाचे धुंद मोर निळ्या पिसांचा शृंगार
प्राजक्त फुलांचा सडा अंगणी पडला
अंगणी पडला झुला झुलत राहिला
श्रावण भादवा आला मनी बहरून
मनी बहरून नव्या आशा पालवून
श्रावण भादवा मना देई अलिंगन
देई अलिंगन जसा स्वप्नात साजण
No comments:
Post a Comment